اسلام آباد (عکس آن لائن)ہائی کورٹ نے سابق اسپیکر قومی اسمبلی اسد قیصر کی اخراجِ مقدمہ کی درخواست خارج کر دی۔ہائی کورٹ میں دفعہ 144 کی خلاف ورزی، لائوڈ اسپیکر کے استعمال اور احتجاج کے کیس کی سماعت جسٹس طارق محمود جہانگیری نے کی۔
اسد قیصر کے وکیل شیر افضل مروت نے دلائل دیتے ہوئے کہا کہ اسد قیصر موقع پر موجود ہی نہیں تھے، انہیں ایف آئی آر میں نامزد کر دیا گیا۔وکیل شیر افضل مروت نے عدالت میں ایف آئی آر پڑھ کر بھی سنائی۔
عدالت نے سوال کیا کہ ایف آئی ار میں اسد قیصر کا نام ہے، ان پر الزام کیا ہے؟سرکاری وکیل نے جواب دیا کہ اسد قیصر نے شہباز گل کی رہائی کیلئے احتجاج کیا تھا، ڈرانے دھمکانے اور دفعہ 144 کی خلاف ورزی پر مقدمہ درج ہے۔
