اسلام آباد (عکس آن لائن) مئی 2020ء کے دوران دودھ، کریم اور نومولود بچوں کی خوراک کے دودھ کی
درآمدات میں 54.73 فیصد کمی ہوئی ہے۔ ادارہ برائے شماریات پاکستان (پی بی ایس) کے اعدادو شمار
کے مطابق مئی 2020ء کے دوران درآمدات کا حجم 8.31 ملین ڈالر تک کم ہو گیا جبکہ مئی 2019ء کے
دوران درآمدات کا حجم 18.36 ملین ڈالر رہا تھا۔ اس طرح مئی 2019ء کے مقابلہ میں مئی 2020ء کے
دوران دودھ، کریم اور نومولود بچوں کی خوراک کے دودھ کی قومی درآمدات میں 10.05 ملین ڈار
یعنی 54.73 فیصد کی نمایاں کمی ریکارڈ کی گئی ہے۔