ریاض(عکس آن لائن ) تیل کی پیداوار اور چین سے کئی تجارتی معاہدے کرنے پر سعودی عرب سے ناراض امریکا نے ایک بار پھر اسٹریٹجک شراکت داری کی خواہش کا اظہار کردیا۔عرب ٹی وی کو دئے گئے انٹرویومیں امریکی قومی سلامتی کونسل کے اسٹریٹجک کمیونیکیشن کوآرڈینیٹر جان کربی نے کہا کہ سعودی عرب کے ساتھ ہمارے 80 سال سے زیادہ پرانے تعلقات ہیں جو عوامی مفاد میں جاری رہنے چاہییں۔جان کربی نے اس خواہش کا بھی اظہار کیا کہ امریکا اپنے عوام کے مفاد کی خاطر اور سعودی عرب کی قومی سلامتی سے متعلق اسٹریٹیجک شراکت داری کو جاری رکھنا چاہتا ہے۔
امریکی قومی سلامتی کونسل کے اسٹریٹیجک کمیونیکیشن کوآرڈینیٹر جان کربی نے کہا کہ امریکا کی نئی حکومت میں جوبائیڈن انتظامیہ سعودی عرب کے ساتھ تعلقات میں استحکام کے لیے سنجیدہ کوششیں کر رہی ہے۔جان کربی نے کہا کہ انھیں سعودی حکومت کی جانب سے مثبت اشارے ملے ہیں۔ مشرق وسطی میں پائیدار امن میں سعودی عرب کے اہم کردار سے بخوبی واقف ہیں اور ہم وہاں مشترکہ دشمن کو پاوں جمانے نہیں دیں گے۔
