لاہور(عکس آن لائن) لالی ووڈ سٹار میرا نے کہا ہے کہ آج کے دور میں آپ کسی پر اندھا اعتماد نہیں کر سکتے ، ٹھوکریں کھاکر کندن بننے والاشخص دوبارہ زندگی میں کبھی مار نہیں کھاتا ۔ ایک انٹر ویو میں میرا نے کہا کہ فلم انڈسٹری میں اگر کوئی آپ کے ساتھ مخلص ہے تو آپ خوش نصیب لوگوں میں سے ہیں ، شوبز میں حسد اور بغض کی انتہا ہے اور ہر کوئی ایکدوسرے کی ٹانگیں کھینچ رہا ہوتا ہے ۔
میرا نے کہا کہ ہمیشہ یہی کوشش ہوتی ہے کہ اپنے کام سے کام رکھوں لیکن یہاں لوگ آپ کوبولنے پر مجبور کرتے ہیں ۔ ہمارے ہاں ایسا ہوتا ہے کہ اگر آپ خاموش رہیں تو آپ پر زیادہ حملے ہوتے ہیں بلکہ ذاتیات پر حملے کئے جاتے ہیں ۔ جب دیکھتی ہوں کہ کوئی شخص حد سے بڑھ رہا ہے تو پھر اسے جواب دینا اپنا حق سمجھتی ہوں اور میں نے کبھی اس سے گریز نہیں کیا ۔ میرا نے کہا کہ کچھ نئے پراجیکٹس کیلئے بات چیت چل رہی ہے اور حتمی معاہدے طے پاتے ہیں اپنے پرستاروں کواس حوالے سے آگاہ کر دوں گی۔