واشنگٹن (عکس آن لائن)سابق امریکی صدر ڈونلڈ ٹرمپ کی ذاتی ایپ ٹروتھ سوشل لانچ ہوتے ہی ایپل ایپ اسٹور کی سب سے زیادہ ڈانلوڈ کی جانے والی ایپ بن گئی۔میڈیارپورٹس کے مطابق سابق امریکی صدر ڈونلڈ ٹرمپ کی اپنی سوشل میڈیا ایپ ٹروتھ آخرکار ڈان لوڈ کے لیے دستیاب ہے، ایپ کے باضابطہ طور پر منظر عام پر آنے کے ایک دن بعد ٹروتھ سوشل ایپ ایپل ایپ اسٹور پر سب سے زیادہ ڈانلوڈ کی جانے والی ایپ بن گئی۔ٹروتھ سوشل ایپ کے ایپ اسٹور پر باضابطہ اعلان کے فورا بعد خود بخود ان صارفین کے لیے دستیاب تھی جنہوں نے ایپ کو رول آئوٹ کرنے سے پہلے ہی آرڈر کیا تھا۔
ایپ کے آغاز میں صارفین کو کچھ تکنیکی خرابیوں کے باعث ڈانلوڈ کرنے میں مشکل بھی درپیش تھی اور صارفین کو انتظار کرنے والوں کی فہرست میں ڈال دیا گیا تھا اور ان صارفین کو پیغام دیا گیا کہ بڑے پیمانے پر مانگ کی وجہ سے، ہم نے آپ کو اپنی انتظار کی فہرست میں رکھا ہوا ہے۔یاد رہے کہ ٹرمپ کو سوشل میڈیا پر اشتعال انگیز بیانات دینے کے بعد فیس بک، ٹوئٹر، یوٹیوب اور دیگر سوشل میڈیا پلیٹ فارمز سے روک دیا گیا تھا۔ ٹروتھ سوشل کے سی ای او ڈیون نونس اور ریپبلک پارٹی کے سابق رکن نے فاکس نیوز کو بتایا کہ ایپ ایپل ایپ اسٹور میں مزید لوگوں کے لیے دستیاب ہوگی، کم از کم امریکا میں مارچ کے آخر تک اسے مکمل طور پر فعال کر دیا جائے گا۔
