کراچی (عکس آن لائن)نیشنل الیکٹرک پاور ریگولیٹری اتھارٹی (نیپرا ) نے کراچی کے لیے بجلی1.72روپے فی یونٹ مہنگی کرنے کی منظوری دے دی۔
میڈیا رپورٹ کے مطابق نیپرا نے کراچی کے لیے بجلی مہنگی کرنے کی حکومتی درخواست منظور کرلی، منظوری گذشتہ مالی سال کی دوسری اور تیسری سہ ماہی ایڈجسٹمنٹ کی مد میں دی گئی۔
نیپرا نے جنوری تا مارچ2023کی سہہ ماہی ایڈجسٹمنٹ میں ایک روپے 25 پیسے فی یونٹ کا اضافہ منظور کیا ہے، اکتوبر تادسمبر 2022 کی سہہ ماہی ایڈجسٹمنٹ میں47 پیسے فی یونٹ اضافہ منظور کیا گیا ہے۔
نیپرا نے فیصلہ نوٹیفیکیشن کیلئے وفاقی حکومت کو بھجوادیا۔نیپرا نے اپنے فیصلے میں کہا کہ ملک بھر میں بجلی کا یکساں ٹیرف برقرار رکھنے کیلئے اضافہ منظوری دی۔
