کراچی (عکس آن لائن)پاکستان کرکٹ ٹیم کے سابق آل راؤنڈر اور ڈومیسٹک ٹیم خیبرپختونخوا کے کوچ عبدالرزاق نے کہا ہے کہ وہ پاکستان ٹیم کے لیے پاور ہٹر تیار کرنا چاہتے ہیں۔ایک انٹرویو میں عبدالرزاق نے کہا کہ وہ سمجھتے ہیں کہ ان کے پاس وہ تجربہ اور صلاحیتیں ہیں کہ پاکستان ٹیم کیلئے پاور ہٹرز تیار کرکے دیں۔انہوں نے کہا کہ دو سے تین دن پلیئرز دئیے جائیں تو وہ ان کو پاور ہٹنگ کی ٹریننگ دے سکتے ہیں، اچھا پاوور ہٹر بننے کے لیے بیٹ سوئنگ، بیلنس اور گیند پر نظر رکھنے کی بنیادی چیزیں ہیں جس پر کام کیا جائے تو اچھی ہٹنگ ہوسکتی ہے۔ جب ان سے پوچھا گیا کہ کون سے پلیئرز ہیں جن کو وہ بطور پاوور ہٹر تیار کرسکتے ہیں تو سابق آل راونڈر نے فہیم اشرف، حسن علی، عماد بٹ اور آصف علی کے نام تجویز کیے۔بطور کوچ اپنے تجربے پرٹیسٹ کرکٹر نے کہا کہ بطور پلیئرز انہوں نے اپنے کیرئیر میں کوچز کے رویوں سے جو سبق حاصل کیے ، کوشش کی کہ بطور کوچ انہیں باتوں کو اپلائی کریں، انہوں نے کہا کہ جن جن چیزوں کو وہ منفی سمجھتے تھے، بطور کوچ وہ کوئی کام نہیں کیا۔ایک سوال پر انہوں نے کہا کہ ڈومیسٹک اور انٹرنیشنل لیول میں کوچنگ میں فرق ہے، ڈومیسٹک میں گراؤنڈ پر زیادہ کام ہوتا ہے کیوں کہ وہاں کرکٹر کی ڈویلپمنٹ پہلی ترجیح ہوتی ہے جب کہ انٹرنیشنل میں اینالسس کی بھی اہمیت ہوتی ہے۔
مزید پڑھیں
Load/Hide Comments
Recent Posts
- وزیراعظم کا کسانوں کیلئے بڑا قدم،وفاقی حکومت کی طرف سے کسانوں سے گندم کی فوری خریداری کا حکم
- حکومت نے سولر پینل کے استعمال پر فکسڈ ٹیکس لگانے کی خبروں کی تردید کردی
- حکومت نہ صرف بجلی کی قیمتوں میں کمی کرے بلکہ سولر پینل کے پیکجز بھی دے، ناصر شاہ
- حکومت کسی صوبے میں گورنر راج نہیں لگانا چاہتی ،اگر علی گنڈا پور چڑھائی کی باتیں کریں گے تو مسائل ہوں گے،خواجہ سعد رفیق
- چین کے حوالے سے تزویراتی تصور کے درست ادراک سے ہی چین امریکہ تعلقات میں حقیقی بہتری آسکتی ہے، میڈ یا رپورٹ