نئی دہلی(عکس آن لائن) سابق پاکستانی کپتان وسیم اکرم نے ہردیک پانڈیا کے ساتھ سلوک کو برصغیر کا مسئلہ قرار دے دیا۔
انھوں نے ممبئی انڈینز کے کپتان پر آئی پی ایل میچز کے دوران ہونے والی تنقید پر کہا کہ پاکستان، بھارت اور بنگلہ دیش میں یہ مسئلہ رہتا ہے، انھوں نے اس معاملے پر ممبئی کے کپتان کی حمایت کرتے ہوئے کہا کہ برصغیر میں شائقین کا مزاج ایسا ہی رہتا ہے، جو ماضی کی باتوں میں رہ کر تنقید کرتے رہتے ہیں اس کی بجائے انھیں کپتان کی حمایت کرنی چاہیے۔
انہوں نے کہا کہ یہ مسئلہ بھارت، پاکستان اور بنگلہ دیش میں رہتا ہے، ہم کبھی نہیں بھولتے، ہم اپنے بچوں کو بھی بتائیں گے کہ پانڈیا کے بچے کب پیدا ہوئے تھے، ہمیں انھیں یاد دلائیں گے کہ 20 سال پہلے وہ اس طرح کپتان بنا تھا، ہم آگے نہیں بڑھ پاتے۔
