کراچی(عکس آن لائن)سندھ ہائی کورٹ نے پراسیکیوشن اور تفتیشی افسر سے پی ٹی آئی رہنما حلیم عادل شیخ کے خلاف پولیس موبائل جلانے کے کیس کا ریکارڈ 19 اکتوبر کو طلب کر لیاہے۔عدالت میں پولیس موبائل جلانے کے کیس میں حلیم عادل شیخ کی درخواست ضمانت پر سماعت ہوئی۔
پراسیکیوٹر نے عدالت کو آگاہ کیا کہ حلیم عادل نے ٹرائل کورٹ میں چالان جمع ہونے سے پہلے درخواستِ ضمانت دائر کی تھی۔پراسیکیوٹر نے بتایا کہ چالان سے پہلے درخواستِ ضمانت دائر کرنے پر اے ٹی سی نے درخواست مسترد کر دی تھی، اب کیس کاچالان جمع ہو چکا ہے صرف تفتیشی افسر نے پولیس پیپر حاصل کرنے ہیں تو تھوڑی مہلت دی جائے۔عدالت نے پراسیکیوشن اور تفتیشی افسر سے 19 اکتوبر کو کیس کا ریکارڈ طلب کر لیا۔
حلیم عادل شیخ کے وکیل ایڈووکیٹ امتیاز شاہ نے عدالت کو بتایا کہ حلیم عادل شیخ کے خلاف سیاسی بنیادوں پر کیس بنایا گیا ہے۔پولیس کے مطابق حلیم عادل شیخ کے خلاف مقدمہ مبینہ ٹائون تھانے میں درج ہے
