لاہور (عکس آن لائن)گورنمنٹ کالج یونیورسٹی لاہور کے 23 تدریسی شعبہ جات کے زیراہتمام3جون بروز بدھ کو 411 آن لائن لیکچرز کا انعقاد، تقریبا 7000 طلباء آن لائن لیکچرز میں حاضر رہے۔
جی سی یو کنٹرولر امتحانات محمد شہزاد کی مرتب کردہ محکمہ وار رپورٹ کے مطابق، شعبہ نفسیات کی فیکلٹی نے 33، پولیٹیکل سائنس 35، اکنامکس21، ہسٹری 8، فلسفہ 13، فارسی 16، انگلش 44، اسلامک سٹڈیز 27، پنجابی 13، کیمسٹری 25، بائیوٹیکنالوجی 3، طبیعیات 10، الیکٹرونکس 14،ذوالوجی 20، نباتیات 15، شماریات 20، اردو 18، نفسیات 33، فنانس 33، کمپیوٹر سائنس 8 اور ماحولیات سائنس 26 لیکچرز آن لائن ہیں۔وائس چانسلر پروفیسر ڈاکٹر اصغر زیدی نے اس بات پر روشنی ڈالی کہ یہ ایک بڑی کامیابی ہے اس حقیقت کے باوجود کہ آن لائن کلاسوں کا یہ پہلا ہفتہ ہے۔
کچھ اساتذہ اور طلباء کو جی سی یو ایل ایم ایس پر رابطے کے مسائل درپیش ہیں، لیکن انہیں زوم یا اس جیسی دوسری ایپلی کیشنز کے ذریعہ لیکچر دینے کی اجازت دی ہے۔انہوں نے کہا کہ اسی طرح جن طالبعلموں کو مسائل کا سامنا ہے وہ مواصلات کے روایتی ذرائع بھی استعمال کرسکتے ہیں جن میں ای میل اور ڈاک خدمات شامل ہیں۔وائس چانسلر نے کہا کہ 27 محکموں کے 500 سے زیادہ اساتذہ اس آن لائن تدریسی سرگرمی میں مصروف ہیں ، جبکہ یونیورسٹی نے آن لائن تدریس کے ایک ہزار سے زائد کورسز کا از سرِ نوجائزہ لیا۔ یہ سب کچھ پہلی بار ہو رہا ہے اور ٹیچنگ فیکلٹی کی جانب سے بڑی وابستگی کا مظاہرہ کیا جا رہا ہے۔
