بیجنگ(عکس آن لائن)بیجنگ میں جون 2020 کے بعد سے اب تک کے سب سے زیادہ کورونا کیسز رپورٹ ہوئے ہیں۔غیر ملکی خبر رساں ادارے کے مطابق نیشنل ہیلتھ کمیشن نے کہا کہ بیجنگ میں 24 گھنٹوں کے دوران کورونا کے 20 نئے کیسز رپورٹ ہوئے ۔ بیجنگ میں کورونا کیسز بڑھنے پر کچھ ہاوسنگ کمپاونڈز میں لاک ڈاون نافذ کیا گیا ۔
نیشنل ہیلتھ کمیشن کا یہ بھی کہنا تھا کہ بیجنگ کے سب سے متاثرہ ضلع میں 2 ملین آبادی کے کورونا کے ٹیسٹ شروع کردیئے گئے ہیں۔واضح رہے کہ چین بھر میں عالمی وبا کورونا وائرس کے 54 نئے کیسز رپورٹ ہوئے ہیں۔
