کراچی (رعکس آن لائن)پاکستانی اداکارہ کنزہ ہاشمی کا کہنا ہے کہ 16 سال کی عمر میں انھیں پہلا معاوضہ 5 لاکھ روپے ملا تھا۔
اداکارہ حال ہی میں نجی ٹی وی کے ایک پروگرام میں شریک ہوئیں جس دوران ان سے پہلے ڈرامہ سیریل کا معاوضہ پوچھا گیا؟جس کے جواب میں کنزہ ہاشمی نے بتایا کہ مجھے پہلا معاوضہ آج سے 10 سال قبل 5 لاکھ روپے دینے کا کہا گیا تھا جو کہ اس وقت میرے لیے بہت زیادہ تھے۔
اداکارہ نے بتایا کہ اس وقت میری عمر 16 سال تھی، معاوضہ سن کر میں حیران رہ گئی تھی لیکن انھیں ظاہر ایسا کروایا تھا کہ 5 لاکھ کا معاوضہ میرے لیے کوئی بڑی بات نہیں، اس کے بعد مجھے 5 لاکھ کا معاوضہ پورا دیا گیا۔
اپنے مداحوں سے متعلق کیے گئے سوال پر کنزہ ہاشمی کا کہنا تھا کہ میرا ایک مداح ڈیلیوری بوائے ہے جس کے پاس میرا آرڈر جب بھی آتا ہے وہ اس آرڈر کے ساتھ میرے لیے کچھ نہ کچھ ضرور لے کر آتا ہے۔
