فیصل آباد۔(عکس آن لائن)محکمہ زراعت نے ماہ جنوری کے دوران کھجور کے پودوں کو فاسفورس کھاد کی پوری اور نائٹروجن کی نصف مقدار ڈالنے کی ہدایت کی ہے اور کہاہے کہ ماہ جنوری کے دوران کھجور کے پودوں کو فاسفورس اور نائٹروجن کھاد کی اشد ضرورت ہوتی ہے لہذا بروقت کھاد نہ ڈالنے کی صورت میں پودے کی بڑھوتری متاثر ہو سکتی ہے اس لئے اس ضمن میں کسی غفلت کا مظاہرہ نہ کیاجائے۔نظامت زرعی اطلاعات محکمہ زراعت فیصل آباد کے ترجمان نے کہاکہ پھل نہ دینے والے کھجور کے پودوں کیلئے بھی ضروری ہے کہ انہیں نصف کیمیائی کھاد کے علاوہ گوبر والی کھاد بھی فراہم کی جائے۔
انہوں نے بقیہ کھاد اگلے ماہ فروری کے آخری ہفتہ میں ڈالنے کی بھی ہدایت کی ہے۔ انہوں نے کہاکہ کھادکے تنے سے ایک فٹ دورث کی شاخوں کے پھیلا کے برابر زمین میں ڈال کر اچھی طرح گوڈی کرنے سے اس کے بہترین نتائج حاصل کئے جا سکتے ہیں۔
