چنیوٹ(نمائندہ عکس آن لائن) تھانہ چنا ب نگر پولیس نے اسلحہ کی نمائش کرتے ہوئے ،
ہوائی فائرنگ کرنے والے ملزم کو اسلحہ سمیت گرفتار کر لیا۔
ملزم احتشام نے چناب نگر میں اسلحہ کی نمائش کرتے ہوئے ہوائی فائرنگ کی ،
اور ہوائی فائرنگ کی ویڈیو بنا کر سوشل میڈیا پر اپلوڈ کر دی ۔
اسسٹنٹ سب انسپکٹر غلام عباس نے بروقت کاروائی کرتے ہوئے ملزم احتشام کواسلحہ سمیت گرفتار کر لیا۔
ملزم کے قبضہ سے پسٹل 9MM برآمد بھی کر لیا گیا ہے ۔
ملزم کیخلاف تھانہ چناب نگر میں مقدمہ درج ہو چکا ہے اور مزید تفتیش کا عمل جاری ہے ۔
ہوائی فائرنگ سے قیمتی جانوں کا ضیاع ہو سکتا ہے ۔
اس غیر قانونی عمل سے آپ کی وقتی خوشی کسی کی عمر بھر کا روگ بن سکتی ہے ۔
اس لیے ہوائی فائرنگ سے گریز کریں ۔
