لاہور ( عکس آن لائن) پاکستان سپر لیگ کی ٹیم کراچی کنگز کے اوپننگ بیٹر شرجیل خان نے کہا ہے کہ کراچی کنگز کے کیمپ کا اچھا آغاز ہوا ہے، ذاتی طور پر پہلے سے ہی اس ایونٹ کی تیاری کر رہا تھا۔انہوں نے ایک انٹرویو میں کہا کہ پہلے سے ذہن بنایا تھا کہ مجھے اس لیگ کیلئے کس طرح تیاری کرنی ہے،پاکستان کپ کے بعد کافی ٹائم ملا تھا جس میں پی ایس ایل کی تیاری کی۔جس ٹیم سے کھیلوں، کوشش ہوتی ہے ٹیم کو اچھا اسٹارٹ دوں، میچ جتواں، بطور اوپنر جارح مزاجی ہی میرا انداز ہے۔
انہوں نے کہا کہ کوشش ہوتی ہے کہ اچھے اسٹارٹ کے بعد لمبا اسکور کروں، کراچی کنگز میں سپورٹ ملتی ہے، ماحول انجوائے کر رہا ہوں، ٹی ٹوئنٹی میں ہر سیزن ایک جیسا نہیں ہوتا، پچھلے سیزن کی شکست کو بھول کر نیا سیزن اچھا کھیلیں گے۔شرجیل نے کہا کہ میں فینز سے کہوں گا کہ کراچی کنگز کو ہمیشہ کی طرح سپورٹ کریں۔واضح رہے کہ پاکستان سپر لیگ کا آٹھواں سیزن 13 فروری سے شروع ہورہا ہے، ایونٹ کے لیے ٹیموں نے تیاریاں شروع کردی ہیں۔
