بیجنگ (عکس آن لائن) چین کے سرکاری ادارے نے اپریل میں چین کے اقتصادی آپریشن کی صورتحال کے حوالے سے رپورٹ جاری کی ، جس کے مطابق مقررہ سائز سے اوپر صنعتی اداروں کی اضافی قدر میں سال بہ سال 6.7فیصد اضافہ ہوا ، اور انٹرپرائز پیداوار اور کاروباری سرگرمیوں کا متوقع انڈیکس خوشحالی کی رینج میں رہا۔
رپورٹ کے مطابق سروس شعبے کا کاروباری سرگرمی انڈیکس لگاتار چار ماہ سے تیز ترقی کی حد میں ہے۔ اعداد و شمار کے مطابق چین کی معیشت مستحکم ہے ، ترقی کا بہتر رجحان جاری رہا ہے ، اور مثبت عوامل میں اضافہ ہو رہا ہے۔
کاروبار میں مارکیٹ کا مطلب منافع ہے. جنوری سے اپریل تک صارفین کے سامان کی مجموعی خوردہ فروخت میں سال بہ سال 4.1 فیصد اضافہ ہوا، اور ڈیجیٹل کھپت اور ثقافتی سیاحت کی کھپت جیسے ہاٹ اسپاٹس نے صارفین کی مارکیٹ کی بحالی میں نئی تحریک کا اضافہ کیا ہے۔
کھپت کے نئے رجحان نے غیر ملکی کمپنیوں کو پیسہ کمانے کے مزید مواقع دیے ہیں ۔ اپریل کے آخر میں ، ایک برطانوی مشہور برانڈ باضابطہ طور پر جے ڈی آن لائن مال کا حصہ بنا جس کا ماننا ہے کہ چین کی ڈیجیٹل کھپت خاص طور پر بہت فعال ہے اور برانڈ کئی سالوں سے آن لائن اسٹور کھولنے اور لائیو اسٹریمنگ شروع کرنے کے لئے چینی شراکت داروں کے ساتھ کام کر رہا تھا . ”
اپریل میں چین کی اشیا کی درآمدات اور برآمدات میں سال بہ سال 8 فیصد اضافہ ہوا۔
جنوری سے اپریل تک درآمدات اور برآمدات کا حجم تاریخ کی اسی مدت میں ریکارڈ سطح پر پہنچا ۔ ایک ایسے وقت میں جب عالمی معاشی بحالی سست روی کا شکار ہے، چین کی درآمدات اور برآمدات نے توقع سے زیادہ لچک کا مظاہرہ کیا ہے، جس سے غیر ملکی سرمایہ کاروں کے اعتماد میں اضافہ ہوا ہے۔
آج چین عالمی سرمایہ کاری کے لئے ایک ” ہاٹ اسپاٹ ” ہے. چند روز قبل بیجنگ میں تیسری گلوبل ٹریڈ اینڈ انوسٹمنٹ پروموشن سمٹ منعقد ہوئی جس میں شرکت کے لیے چین میں تمام 18 اوورسیز بزنس ایسوسی ایشنز نے اپنے نمائندے بھیجے۔ کنزیومر فیئر سے کینٹن میلے تک، غیر ملکی خریداروں نے نئے ریکارڈ قائم کیے ہیں اور چین کی بڑی مارکیٹ میں اپنی شرکت جاری رکھتے ہوئے چینی طرز کی جدیدکاری کے مواقعوں کا اشتراک کیا ہے
