اسلام آباد(عکس آن لائن)وزیراعظم شہبازشریف نے وفاقی دارالحکومت میں جاری ترقیاتی منصوبوں کی بر وقت تکمیل یقینی بنا نے کی ہدایات جاری کرتے ہوئے کہا ہے کہ ترقیاتی منصوبوں کی تعمیر میں کسی قسم کا تعطل قبول نہیں ، ترقیاتی منصوبوں میں معیار پر کسی قسم کا سمجھوتہ نہیں کیا جائےگا،
گزشتہ روز اسلام آباد میں ترقیاتی منصوبوں سے متعلق جائزہ اجلاسکی صدارت کرتے ہوئے وزیراعظم نے چیئرمین سی ڈی اے کو تعمیراتی کام کی خود نگرانی کرکے معیار کو یقینی بنا نے کی ہدایت کرتے ہوئے کہا کہ ترقیاتی منصوبون کی لینڈ اسکپنگ پر خصوصی توجہ دی جائے ،
ترقیاتی منصوبوں کی لینڈاسکپنگ کرتے وقت بین الاقوامی معیار کو مد نظر رکھاجائے ۔ ان کا کہنا تھا کہ ترقیاتی منصوبوں کی تعمیر میں کسی قسم کا تعطل قبول نہیں ، ترقیاتی منصوبوں میں معیار پر کسی قسم کا سمجھوتہ نہیں کیا جائےگا ترقیاتی منصوبوں کی معینہ مدت میں تکمیل یقینی بنائی جائے ۔
