اسلام آباد(عکس آن لائن)پیپلز پارٹی کے سیکریٹری اطلاعات فیصل کریم کنڈی نے کہا ہے کہ نواز شریف40 سال حکومت میں رہے ، چوتھی بار وزیرِ اعظم بن کر کریں گے کیا؟
ایک بیان میں فیصل کریم کنڈی نے کہا کہ نواز شریف 40سال حکومت میں رہے، پنجاب میں این آئی سی وی ڈی جیسا ایک بھی اسپتال نہیں بنایا، جو عناصر کراچی کے حالات خراب کر رہے تھے نواز شریف کے اتحادی تھے،انہوں نے کہا کہ بلاول بھٹو نے کہا تھا تھر بدلے گا پاکستان، آج تھر پاکستان کو روشن کر رہا ہے،
بلاول بھٹو پنجاب کے ہر شہر میں این آئی سی وی ڈی جیسے ادارے قائم کریں گے ،فیصل کریم کنڈی نے کہا کہ چیئرمین بلاول بھٹو زرداری نوجوانوں کو روزگار کے وسائل فراہم کریں گے، وہ مزدوروں اور محنت کشوں کی معاشی بدحالی ختم کریں گے،ان کا کہنا تھا کہ بلاول بھٹو زرداری کی سیاست انتقام نہیں عوام کی خدمت ہے۔
