لاہور(عکس آن لائن)نامور اداکار دانش تیمور نے کہا ہے کہ میں ہار ماننے والوں سے نہیں ہوں ،نہ ہی مجھے کوئی ہرا سکتا ہے اور نہ میںہار سکتا ہوں ، میں صرف خود اپنے آپ کو ہرا سکتا ہوں ،میرا کامل ایمان ہے کہ زندگی میں کامیابی نیک نیتی سے محنت کئے بغیر نہیں ملتی ۔ ایک انٹر ویو میں دانش تیمور نے کہا کہ میں نے اپنی زندگی میں زبردست محنت کی اور اس کی بدولت موجودہ مقام تک پہنچا ۔ میر اپہلا ٹی وی ڈرامہ ماریہ واسطی کے ساتھ تھا ، سب سے اچھی بات ہے اس کے ڈائریکٹر مظہر معین تھے جنہیں ڈرامے کی ایک ایک باریکی کا علم تھا، میں ہی نہیں بلکہ ساری کاسٹ ان کی صلاحیتوں کی معترف ہے ۔
انہوں نے کہا کہ میں میں اپنی زندگی سے مطمئن ہوں اور اس پر خدا کی ذات کا شکر گزار ہوں ۔ انہوں نے کہا کہ میرے اندر اداکاری کی صلاحیتیں پہلے سے ہی موجود تھیں جو وقت کے ساتھ نکھر کر سامنے آئیں ۔ میں ہمیشہ یہی کہتا ہوں جو جس شعبے میں مہارت رکھتا ہو اسے وہی کام کرنا چاہیے ،اگر گلوکار اداکاری اور اداکار گلوکار ی کے میدان میں پنجہ آزمائی کرے گا تو ناکام ہو جائے گا۔
