ممبئی (عکس آن لائن)ہفتہ یکم دسمبر کو ریلیز ہونے والی بالی ووڈ کی نئی فلم اینیمل کے چار مرکزی کرداروں رنبیر کپور، بابی دیول، رشمیکا منڈانا اور سینئر اداکار انیل کپور کو کتنا معاوضہ دیا گیا ہے اس حوالے سے میڈیا میں کچھ اطلاعات آئی ہیں۔ اس سے قبل بھارتی میڈیا نے خصوصی طور پر اطلاع دی تھی کہ رنبیر کپور نے فلم کرنے سے پہلے ہی 30ـ35 روپے ایڈوانس لے لیے تھے، جبکہ انہوں نے اپنی فیس کا ایک حصہ اس گینگسٹر ڈرامہ فلم کی پروڈکشن معیار کو بہتر بنانے کے لیے انویسٹ کر دیا تھا۔ اب اضافی طور پر وہ فلم کے منافع سے شیئر لیں گے۔یاد رہے کہ موجودہ مارکیٹ میں رنبیر فی فلم 70 کروڑ روپے معاوضہ لیتے ہیں جبکہ وہ مووی پروجیکٹس کے تخلیقی اور لاجسٹک پہلوؤں (جس میں منصوبہ بندی اور انتظامی معاملات) شامل ہوتے ہیں اس میں سرگرمی سے مصروف عمل رہتے ہیں۔
اسی طرح انہوں نے اینیمل کے پروڈیوسرز بھوشن کمار اور سندیپ ریڈی وانگا کی مدد کے جذبے کے طور پر اپنی ایکٹنگ فیس پچاس فیصد کم کر دی تھی۔بھارتی میڈیا کے مطابق بابی دیول جو فلم میں ولن کا رول کر رہے ہیں ہے انہیں صرف 4 سے 5 کروڑ روپے ملے ہیں جبکہ رشمیکا مندانا کو 4 کروڑ اور انیل کو 2 کروڑ روپے ملے ہیں۔ واضح رہے کہ گزشتہ روز ریلیز ہونے والی اس فلم نے بڑی کامیابی حاصل کی جبکہ فلم بین اور نقاد بھی اسکی تعریف کر رہے ہیں۔ صرف دو دن میں فلم نے باکس آفس پر آمدنی کے نئے ریکارڈ قائم کردیے۔
