اسلام آباد (عکس آن لائن) ملک میں قومی ذیلی انسداد پولیو مہم کا آغاز ہوگیا ،قومی ذیلی انسداد پولیو مہم ملک کے مخصوص اضلاع میں چلائی جائے گی،پولیو مہم 26 اکتوبر سے 1 نومبر تک جاری رہے گی،128 اضلاع میں 30 ملین سے زائد بچوں کو انسداد پولیو قطرے پلائیں جائیں گے،پنجاب کے 33 اضلاع، لوچستان 33، سندھ 41، گلگت بلتستان 8، آزاد جموں و کشمیر کے 10 اضلاع میں پولیو مہم ہوگی۔
پولیو پروگرام کے مطابق خیبرپختونخوا کے ایک ضلع میں انسداد پولیو مہم ہوگی، 7 روزہ پولیو مہم میں 2 لاکھ 10 ہزار فرنٹ لائن ورکرز گھر گھر جا کر انسداد پولیو مہم میں حصہ لیں گے، 5 روز پولیو ویکسی نیشن جبکہ دو روز کیچ اپ ڈیز ہونگے ،کیچ اپ ڈیز میں رہ جانے والے بچوں کی پولیو ویکسی نیشن ہو گی۔ پولیو پروگرام کے مطابق 5 سال سے کم عمر بچوں کو انسداد پولیو قطرے ہر مہم میں پلوائے جائیں۔
