قصورر(عکس آن لائن ) ترجمان محکمہ زراعت نے کھیرے کی پچھیتی فصل کی کاشت بروقت مکمل کرنے کی ہدایت کی ہے اورکہاہے کہ کاشتکار اچھی فصل حاصل کرنے کیلئے ایک کلوگرام فی ایکڑ کے حساب سے صحتمند بیج استعمال کریں۔
انہوں نے بتایا کہ کاشتکاروں کو زمین کی زرخیزی کاخاص خیال رکھنے کیساتھ ساتھ نامیاتی مادہ کی مقدار میں مناسب اضافہ کیلئے فصل کاشت کرنے سے قبل کھیت میں 10 سے 12 ٹن فی ایکڑ کے حساب سے گوبرکی گلی سڑی کھادڈالنے کے بعد ایک دفعہ مٹی پلٹنے والا ہل ضرورچلاناچاہئیے تاکہ کھاد زمین میں اچھی طرح طرح مل جائے۔ انہوں نے بتایا کہ کاشتکار کھیت کو ہموارکرنے کے بعد کیاریوں میں تقسیم کرتے وقت راؤنی کرلیں اور وترآنے پر دو سے تین مرتبہ ہل چلاتے ہوئے سہاگہ دیکر زمین کو اچھی طرح نرم و بھر بھراکرلیناچاہئیے۔
انہوں نے کہا کہ کاشتکارکھیت کے وترآنے پے تین تین میٹر کے فاصلے پر نشان لگاکر ان کے اوپر کھادبکھیرکر پٹڑیاں بنالیں۔
