کراچی(عکس آن لا ئن) اداکارہ حرا مانی نے شکوہ کرتے ہوئے کہا ہے کہ انہیں کوئی بھی فنکار اپنی شادی میں نہیں بلاتا شاید میں کسی کی دوست نہیں ہوں اس لئے۔اداکارہ حرا مانی کی حال ہی میں دیئے گئے انٹرویو کی ایک ویڈیو سوشل میڈیا پر وائرل ہورہی ہے جس میں وہ میزبان میرا سیٹھی سے شکوہ کرتی ہوئی نظرآرہی ہیں کہ کوئی بھی اداکار انہیں اپنی شادی میں نہیں بلاتا۔سب سے پہلے حرامانی نے میرا سیٹھی کا نام لیتے ہوئے کہا نہ مجھے تم نے اپنی شادی میں بلایا نہ سجل علی نے بلایا، نہ سارہ خان نے اورنہ ہی اقراء عزیز نے۔ مجھے نہیں معلوم مجھے شادی میں کوئی کیوں نہیں بلاتا شاید میں ان کی دوست نہیں ہوں۔حرا مانی کی بات کے جواب میں میرا سیٹھی نے وضاحت کرتے ہوئے کہا کہ میں نے اپنی شادی میں تمام مہمانوں کو واٹس ایپ کے ذریعے دعوت نامہ بھیجا تھا۔ لہٰذا جن لوگوں کے نمبرزمیرے پاس تھے میں نے ان سب کو شادی میں بلالیا۔ میرا سیٹھی نے حرا مانی سے معافی مانگتے ہوئے کہا مجھے معاف کردو کہ میں تمہیں اپنی شادی میں بلانا بھول گئی کیونکہ میں یہ بھی نہیں کہہ سکتی کہ میں اگلی بار تمہیں دعوت دوں گی۔حرا مانی نے میرا سیٹھی کی بات کے جواب میں کہا مجھے کسی نے نہیں بلایا لیکن میں اپنے بیٹے مزمل کی شادی میں سب کو بلاؤں گی۔ واضح رہے کہ حرامانی کے دوبیٹے مزمل اورابراہیم ہیں۔ بڑے بیٹے کی عمر 11 سال اور چھوٹا بیٹا 6 سال کا ہے۔
مزید پڑھیں
Load/Hide Comments
Recent Posts
- پاکستان کی پہلی ایئر ایمبولینس سروس کے لیے تربیتی سیشن کا آغاز
- پنجاب میں ڈرامہ کوئین کی نئی قسط ریلیز ہوگئی،بیرسٹر سیف
- مریم نواز نے یونیفارم پہن کر پولیس کے وقار میں اضافہ کیا،عظمی بخاری
- پولیس یونیفارم پہننے پر مریم نواز کیخلاف اندراج مقدمہ کی درخواست پر 29اپریل کوجواب طلب
- علی امین گنڈاپور کی اسلام آباد پر دھاوے کی دھمکی نہایت سنگین معاملہ ہے، خواجہ سعد رفیق