قصور (عکس آن لائن)محکمہ زراعت نے کاشتکاروں کو لہسن کی فصل کو مختلف بیماریوں سے بچانے کےلئے فوری طورپر تین سے چار مرتبہ گوڈی اورجڑی بوٹیوں کی فوری تلفی کی ہدایت کی ہے اورکہاگیاہے کہ کاشتکار لہسن کی فصل کو مختلف بیماریوں اور کیڑے مکوڑوں کے حملہ سے بچا کےلئے حفاظتی اقدامات کریں خاص کر جھلساکی بیماری کے بارے میں کسی غفلت کا مظاہرہ نہ کیاجائے۔
ڈپٹی ڈائریکٹرمحکمہ زراعت (توسیع)قصوراحمدنویدامجدنے بتایا کہ پتوں کے جھلسا کی بیماری کے لہسن کی فصل پرحملہ آور ہونے سے پتے اوپر سے سوکھنے لگتے ہیں جبکہ جوں جوں حملہ شدت اختیار کرتاہے تمام پتے خشک ہوکر چڑمڑ ہوجاتے ہیں اور اس طرح لہسن کی گٹھیوں کا سائز چھوٹا رہ جاتاہے اور فصل کو شدید نقصان کا سامنا کرناپڑتاہے۔ انہوں نے بتایا کہ اس بیماری کی علامت اگرچہ کورے کے نقصان سے ملتی جلتی ہے لیکن اس بیماری کے جراثیم زیادہ نقصان دہ ہوتے ہیں۔ انہوں نے کہا کہ کاشتکار فصل کو تین سے چار مرتبہ گوڈی ضرورکریں اور جڑی بوٹیوں کو بروقت تلف کرنے میں کسی کوتاہی کا مظاہرہ نہ کیاجائے۔
