غزہ (عکس آن لائن)اسلامی تحریک مزاحمت کے ترجمان فوزی برہوم نے کہا ہے کہ مغربی کنارے میں نوجوانوں، کارکنان اور مزاحمت کاروں کو اتھارٹی کی جیلوں بالخصوص بدنام زمانہ اریحا میں تشدد اور ظلم کا نشانہ بنانا سنگین قومی جرم ہے۔فوزی برھوم نے ایک بیان میں کہا کہ ہمیں مصدقہ اطلاعات ملی ہیں کہ اریحا حراستی مرکز میں قید کیے گئے فلسطینی سیاسی اور سماجی کارکنوں اور مزاحمت کاروں کو اذیتیں دی جا رہی ہیں۔ قیدیوں کو بدترین جسمانی اور نفسیاتی تشدد کے حربوں کا سامنا ہے۔
برھوم نے کہا ہے کہ اس دوہرے ہدف سے چھٹکارا حاصل کرنے کیلئے اس جرم کو ایک مضبوط، موثر اور جامع قومی عوامی رد عمل شروع کرنے کی ضرورت ہے۔اسے کسی بھی طرح سے قبول نہیں کیا جائیگا، یہ سب کیلئے ایک قابل قدر اور حب الوطنی کا فرض ہے کہ وہ فلسطینی اتھارٹی کے حراستی مرکز میں قیدیوں کے حق اور ظلم کیخلاف اٹھ کھڑے ہوں۔برہوم نے نوجوانوں، کارکنوں اور مزاحمت کاروں کیلئے ایک قومی، سماجی حفاظتی جال بنانے اور اسرائیل کے خلاف مزاحمت کرنے والوں کو تحفظ دینے کی ضرورت پر زور دیا۔
