اسلام آباد(عکس آن لائن) کارپٹ ٹریننگ انسٹی ٹیوٹ کے چیئر پرسن پرویز حنیف نے کہا ہے کہ ہاتھ سے بنے قالینوںکی صنعت دیہاتوںمیں روزگار کی فراہمی میں انقلاب لا نے اوراربنائزیشن کو روکنے میں اہم کردارادا کرسکتی ہے،حکومت اس صنعت سے وابستہ لوگوں کی حوصلہ افزائی کی بجائے انہیں نظر انداز کر رہی ہے جس سے اس کی برآمدات پر بھی منفی اثرات اثرات مرتب ہو رہے ہیں،مقامی اورغیر خریداروںکی پسند اور نئے رجحانات سے آگاہی کیلئے اپنی مدد آپ کے تحت جلد ریسرچ کا کام شروع کیا جارہاہے ۔ اپنے ایک بیان میں پرویز حنیف نے کہا کہ حکومت سے اپیل ہے کہ ہاتھ سے بنے قالینوں کی صنعت سے وابستہ کاریگروںکی زندگیوںمیں آسودگی لانے کیلئے ہماری معاونت کی جائے تاکہ اس ہنر کو فروغ دیا جا سکے ۔ یہ ایسی صنعت ہے جس کا حکومت پرکوئی بوجھ نہیں بلکہ نا مساعد حالات کے باوجود آج بھی ہزاروںخاندان کے روزگار کا ذریعہ ہے اورسب سے بڑھ کر اس کا برآمدات میں بھی حصہ ہے ۔پرویز حنیف نے کہا کہ حکومت سے اپیل ہے کہ مختلف ایسوسی ایشنزاورتنظیموںسے مضبوط روابط قائم کئے جائیں اوران کی مشکلات سے آگاہی حاصل کی جائے ۔ہم اپنے طو رپر کارپٹ کی مصنوعات میں اضافے کیلئے کاوشیں کر رہے ہیں لیکن اس کے لئے حکومتی سر پرستی نا گزیر ہے ۔وزیراعظم عمران خان سے بھی اپیل ہے کہ پاکستان کے ہاتھ سے بنے قالینوں کی دنیا میں منفرد پہچان کو برقرار رکھنے کیلئے اس صنعت کے مسائل حل کرنے کے احکامات جاری کریں۔
مزید پڑھیں
Load/Hide Comments
Recent Posts
- چین اپنے کاروباری اداروں کے جائز حقوق اور مفادات کے تحفظ کے لیے موثر اقدامات جاری رکھے گا ، چینی وزارت خارجہ
- ایک چین کے اصول کی پاسداری پر عالمی برادری کا اتفاق ہے ، چینی وزارت خارجہ
- پاکستان اور چین کے تعلقات ہمیشہ مضبوط رہے ہیں ، صدر
- چین کی سیاحتی صنعت تیز ترقی کے مرحلے میں داخل ہو گئی
- روسی صدر کا دورہ چین بے حد کامیاب رہا ہے، چینی وزیر خا رجہ