اسلام آباد (عکس آن لائن) اپریل 2020ء کے دوران مائع قدرتی گیس (ایل این جی) کی درآمد میں 52.22 فیصد کمی ہوئی ہے۔ ادارہ برائے شماریات پاکستان (پی بی ایس) کے اعداد وشمار کے مطابق اپریل 2020ء کے دوران درآمدات کا حجم 151.4 ملین ڈالر تک کم ہو گیا جبکہ اپریل 2019ء کے دوران 316.9 ملین ڈالر کی ایل این جی درآمد کی گئی تھیں۔ اس طرح اپریل 2019ء کے مقابلہ میں اپریل 2020ء کے دوران ایل این جی کی ملکی درآمدات میں 156.5 ملین ڈالر یعنی 52 فیصد سے زیادہ کی کمی ریکارڈ کی گئی ہے۔
