ڈربی (عکس آن لائن)قومی ٹیم کے کپتان بابر اعظم نے انگلینڈ کے خلاف ون ڈیسیریز جیت کر ورلڈکپ کوالیفائی کے لیے اچھا آغاز کرنے کو اولین ہدف قرار دیتے ہوئے کہا ہے کہ مڈل آرڈر میں جو کچھ مشکلات کا سامنا تھا، امیدہے کہ اس سیریز میں پہلے کی طرح مسائل کا سامنا نہیں کرنا پڑے گا۔پی سی بی کی طرف سے جاری کردہ پوڈ کاسٹ میں بات کرتے ہوئے بابر اعظم نے کہا کہ ون ڈیکرکٹ زیادہ نہیں ہورہی لیکن اس کے باوجود جوش وخروش اور جذبیمیں کمی نہیں آئی، جنوبی افریقہ کیخلاف سیریز میں عمدہ پرفارمنس کا سلسلہ انگلینڈ میں جاری رکھنے کی کوشش کریں گے۔ ون ڈے میں مائنڈ کو تھوڑا تبدیل کرنے کی ضرورت ہوتی ہے، ون ڈے ٹیم میں حارث سہیل اور سعود شکیل کے آنے سے مڈل آرڈرکو مضبوط بنانے میں مدد ملے گی،مڈل آرڈر میں جو کچھ مشکلات کا سامنا تھا، امیدہے کہ اس سیریز میں پہلے کی طرح مسائل کا سامنا نہیں کرنا پڑے گا۔
بابراعظم نے کہاکہ انگلینڈ میں اچھی وکٹیں ملتی ہیں جو ہمارے لیے بھی ساز گارہوتی ہیں، ہمارا کمبی نیشن کافی اچھا بنا ہواہے،تمام لڑکے اچھا کھیل پیش کرنے کے لیے تیار ہیں۔ مختلف کنڈیشنز میں پرفارم کرنا ہمیشہ چیلنج ہوتاہے، میزبان ٹیم ون ڈے کی بہترین ٹیم ہے، اس کے خلاف جب بھی میچ ہواہم نے اچھی فائٹ کی ہے، ان کی ٹیم میں بٹلر، اسٹوکس، جویروٹ ، مورگن جیسے بہترین کھلاڑی ہیں، ورلڈکپ میں انگلینڈ کو کافی ٹف ٹائم دیاہے، اس بار بھی یہ ہی کوشش ہوگی۔بابر اعظم نے بتایا کہ کپتانی کو انجوائے کررہاہوں اور اس میں مزید بہتری لانے کے لیے سیکھ رہاہوں، لڑکے بھی مکمل سپورٹ کررہیہیں، سب کو اپنی اپنی ذمہ داریوں کا احساس ہے، میچ کی صورتحال کیمطابق کوشش کرتا ہوں کہ زیادہ جذباتی نظر آنے کے بجائے ٹھنڈے دماغ کیساتھ فیصلے کروں۔ بابر اعظم نے مزید کہا کہ کھیل میں ہر دن اچھا نہیں ہوتا،اس کے باوجود کوشش کرتا ہوں کہ ہر اننگز اچھی کھیلوں۔
