حماس سربراہ

غزہ میں جنگ بندی معاہدے کیلئے مطالبات پر قائم ہیں، حماس سربراہ

بیروت (عکس آن لائن)حماس کے سربراہ اسماعیل ہانیہ نے کہا ہے کہ غزہ میں جنگ بندی پر معاہدے کیلئے ہم اپنے مطالبات پر قائم ہیں۔غیرملکی میڈیا رپورٹس کے مطابق فلسطینی مزاحمت تنظیم حماس کے سربراہ اسماعیل ہانیہ نے کہا کہ اسرائیلی فورسز کے انخلا کی صورت میں ہی بات چیت آگے بڑھ سکتی ہے، فلسطینی مقدس مقامات سے اسرائیل کا انخلا چاہتے ہیں۔

انہوں نے کہا کہ غزہ میں مستقل جنگ بندی، اسرائیلی فوج کا مکمل انخلا، غزہ کے تمام بے گھر فلسطینیوں کی ان کے گھروں کو واپسی اور غزہ میں انسانی امداد کی ضروریات کے مطابق فراہمی ہمارے مطالبات میں شامل ہے۔حماس کے سربراہ اسماعیل ہانیہ نے کہا ہے کہ اسرائیل سے جنگ بندی کے معاہدے کیلئے حماس اپنی شرائط پر قائم ہے، غزہ کا محاصرہ ختم کر کے قیدیوں کے تبادلے کی باعزت رہائی کا معاہدہ کیا جائے۔

اپنا تبصرہ لکھیں