راولپنڈی (عکس آن لائن) پنجاب ایجوکیشن فاؤنڈیشن کے مطابق 25جون ، 2020کوجعلی بچوں کی فنڈنگ
وصول کر نے پر13 FAS پارٹنر سکولوں کے ساتھ معاہدے منسوخ کئے جا چکے ہیں اس حوالے سے
سوشل میڈیا پر چند سکول مالکان کی جانب سے یہ افواہیں پھیلائی جا رہی ہیں کہ پنجاب ایجوکیشن فاؤنڈیشن
نے ان 13سکولوں کو بحال کر دیا ہے پیف انتظامیہ کی جانب سے اس بات کو واضح کیا جاتا ہے کہ اس قسم
کی تمام افواہیں بے بنیاد اور غلط ہیں ان میں سے کسی بھی سکول کو بحال نہیں کیا گیا ہے اور ان سکولوں
کی منسوخی کا فیصلہ برقرار ہے واضح رہے کہ پنجاب ایجوکیشن فاؤنڈیشن ایک مسلمہ طور پر شفاف
اور میرٹ بیسڈ ادارہ ہے جہاں پر کسی قسم کی کرپشن کو برداشت نہیں کیا جا سکتا۔