کراچی (عکس آن لائن)ٹی وی شو میزبان ندا یاسر کا کہنا ہے کہ ان کے شوہر انہیں بتاچکے ہیں کہ ان کا چہرہ چاند جیسا ہے۔ڈیجیٹل پلیٹ فارم اردو فلکس پر نشر ہونے والے راولپنڈی ایکسپریس شعیب اختر کے پروگرام کا ایک کلپ اردو فلکس کے انسٹا اکاؤنٹ پر شیئر کیا گیا ہے۔
شو میں پاکستان کی 2 معروف مارننگ شو ہوسٹ ندا یاسر اور شائستہ لودھی بطور مہمان شریک ہوئی تھیں۔دوران شو شعیب اختر نے شائستہ لودھی سے سوال کیا کہ یہ بتائیں کہ انہیں ندا یاسر کو دیکھ کر کون سا گانا یاد آتا ہے؟ شائستہ کے جواب سے قبل ندا نے شائستہ کی جانب دیکھتے ہوئے کہا کہ یہ مت کہنا کہ میرا چہرہ چاند جیسا ہے کیوں کہ مجھے میرے میاں بتاچکے ہیں میرا منہ چاند جیسا ہے۔
ندا کی بات پر میزبان شعیب اختر بھی زور سے ہنس پڑے جس کے بعد شائستہ لودھی نے ندا سے کیفی خلیل کے مشہور گانے کہانی سنو ساتھ گانے کی درخواست کی۔یاد رہے کہ اسی پروگرام کا ایک کلپ ندا کے ڈگمگائے جواب کے باعث سوشل میڈیا پر خاصا وائرل ہوا تھا، شعیب اختر کے سوال پر ندا نے جواب دیا تھا کہ پاکستان 1992 کا ورلڈکپ 2006 میں جیتا تھا۔
