اسلام آباد (عکس آن لائن)مرکزی سیکرٹری اطلاعات پیپلزپارٹی فیصل کریم کنڈی نے کہا ہے کہ مسلم لیگ (ن )کے گورنر ہائوس پنجاب میں اجلاس الیکشن کمیشن کیلئے سوالیہ نشان ہیں ۔
اپنے بیان میں فیصل کریم کنڈی نے کہاکہ گورنر ہائوس پنجاب میں مسلم لیگ ن کی ٹکٹوں کے فیصلے ہو رہے ہیں ، الیکشن کمیشن اپنے اختیارات کا استعمال کرے ۔ فیصل کریم کنڈی نے کہاکہ پنجاب میں مسلم لیگ (ن )کا صفایا ہونے کے بعد گورنر ہائوس کا استعمال کیا جا رہا ہے ۔
فیصل کریم کنڈی نے کہاکہ مولانا فضل الرحمن کا بھی ایک گورنر ہاوس ہے اس لیئے وزیراعظم بننے کی خواہش کر رہا ہے ۔ انہوںنے کہاکہ عوام کی عدالت کا فیصلہ وزیراعظم بلاول بھٹو زرداری ہے جس کا اعلان 8 فروری کو ہوگا ۔