مریم اورنگزیب

مریم اورنگزیب کا ملک بھر میں ماسک پہننا لازمی قرار دینے اور کورونا علاج کے لئے ادویات فراہم کرنے کا مطالبہ

اسلام آباد (عکس آن لائن)پاکستان مسلم لیگ (ن) کی ترجمان مریم اورنگزیب نے ملک بھر میں ماسک پہننا لازمی قرار دینے اور کورونا علاج کے لئے ادویات فراہم کرنے کا مطالبہ کرتے ہوئے کہا ہے کہ ملک بھر میں کورونا کے مریضوں کی تعدادخوفناک شکل اختیارکررہی ہے ،

کرونا کے علاج کی ادویات دکانوں سے غائب ہو رہی ہیں ے انہوںنے کہاکہ وزیر صحت عمران صاحب کورونا کے علاج اور اس سے بچاو کے لئے ضروری ادویات کی فراہمی یقینی بنائیں ۔ انہوںنے کہاکہ وزیر صحت عمران صاحب ضروری ادویات کی فراہمی یقینی بنانے کے لئے خصوصی حکومتی ڈیسک یا کاونٹر قائم کرائیں ۔ انہوںنے کہاکہ وزیرِ صحت عمران صاحب کورونا علاج کی ادویات بغیرمنافع عوام تک پہنچاناہی لازمی بنائیں ۔

مریم اور نگزیب نے کہاکہ بازاروں سے آکسی میٹر بھی غائب ہوگئے ہیں،کہیں وینٹی لیٹرز نہیں، کہیں پی پی ایز نہیں، کہیں آکسی میٹرز غائب ہیں،ہسپتالوں میں جگہ ختم ہوچکی ہے اور کورونا کے مریضوں کی تعداد مسلسل بڑھ رہی ہے۔

اپنا تبصرہ بھیجیں