لاہور(عکس آن لائن)نامور اداکارہ خوشبو نے کہا ہے کہ فلمسازوں کو اردو کے ساتھ پنجابی فلمیں بھی بنانی چاہئیں کیونکہ ماضی میں پنجابی فلموں نے انڈسٹری کو سہارا دئیے رکھا ہے ، فلموں میں کامیڈی کو بھی شامل کیا جائے اور اس طرح کے پراجیکٹ زیادہ کامیاب ہوں گے۔ ایک انٹر ویو میں انہوں نے کہا کہ فلم انڈسٹری کی بحالی کے ایک دوسرے سے آئیڈیاز کو زیر بحث لایا جائے جس سے ترقی کی راہیں کھلیں گی ۔ انہوں نے کہا کہ اگر ہمسایہ ملک سمیت دنیا کے دیگر ممالک میں فلم انڈسٹری کامیاب جارہی ہے تو ایسی کیا وجہ ہے کہ پاکستان کی انڈسٹری ترقی کیوں نہ کرے ؟۔ سب کو مل کر فلم انڈسٹری کی ترقی کے بارے میں سوچنا ہوگا اور اس کے یقینا مثبت اثرات سامنے آئیں گے۔
