حیدرآباد (نمائندہ عکس) اپوزیشن لیڈر سندھ اسمبلی حلیم عادل شیخ نے کہا ہے کہ سندھ حکومت ہمیں ہر روز جھوٹے مقدمات میں پھنسا رہی ہے،جھوٹے مقدمات سے ہمیں رلیف مل جاتا ہے۔ حلیم عادل شیخ نے عدالت کے باہر میڈیا سے گفتگو کرتے ہوئے کہا کہ ہم عدالتوں کا احترام کرتے ہیں اور پیش ہورہے ہیں، عمران خان نے بھی عدالت میں پیش ہوکر عدلیہ کی عزت کے لیے معذرت کی۔ انہوں نے کہا کہ سندھ حکومت ہمیں ہرروز جھوٹے مقدمات میں پھنسا رہی ہے، ہم عدالت جاتے ہیں تو جھوٹے مقدمات سے ہمیں رلیف مل جاتا ہے۔
اپوزیشن لیڈر سندھ اسمبلی کا کہنا ہے کہ ناقص پراسیکیوشن کی وجہ سے بڑے بڑے مجرم آزاد ہورہے ہیں، 34 سال پرانہ مقدمہ مجھ پر بنادیا گیا ہے۔ حلیم عادل شیخ نے مزید کہا کہ اس کیس کا ریکارڈ ان کے پاس موجود نہیں وہ بھی مجھ سے مانگا جارہا ہے، علی بابا چالیس چوروں کے کہنے پر جھوٹے مقدمات بنائے جارہے ہیں۔
