لاہور(عکس آن لائن)صوبائی دارالحکومت لاہور کے سرکاری و نجی سکولز تین روز بعدکل (پیر)کے روز دوبارہ کھلیں گے ۔ لاہور ہائیکورٹ کے حکم پر محکمہ سکولز ایجوکیشن نے سموگ کی ابتر صورتحال کے باعث سرکاری و نجی سکولوں میںجمعہ اور ہفتہ تعطیل کا اعلان کیا ہواہے جبکہ اتوار کی تعطیل کو ساتھ ملا کر تعلیمی ادارے تین روز بند رہے۔
لاہور ہائیکورٹ کے حکم پر سموگ کی خطرناک صورتحال کی وجہ سے پی ڈی ایم نے بھی نوٹیفیکیشن جاری کیا ہے جس کے مطابق نجی کمپنیوں کے دفاتر اور سب آفسزدو روز جمعہ اور ہفتہ بند رہیں گے۔ دی پنجاب نیشنل کلائمینٹ (پروینیشن اینڈ ریلیف)ایکٹ 1958 کے سیکشن 4 سب سکیشن 2 ایچ کے تحت جاری نوٹیفکیشن کے مطابق لاہور کی حدود میں کام کرنے والے تمام نجی ادارے اور ان کے سب آفسز دو روز جمعہ اورہفتہ کے لئے بند رہیں گے۔نوٹیفکیشن 07 دسمبر سے 15 جنوری تک نافذالعمل رہے گا۔
