اسلام آباد (عکس آن لائن )پاکستان تحریک انصاف کے رہنما نیاز اللّٰہ نیازی نے کہا ہے کہ اگر اس طرح کا الیکشن کروانا ہے تو کیوں اتنا خرچہ کیا جا رہا ہے؟میڈیا سے گفتگو کرتے ہوئے نیاز اللّٰہ نیازی نے کہا کہ لندن پلان کامیاب بنانے کے لیے ایک پارٹی کو الیکشن سے باہر کیا جا رہا ہے، پی ٹی آئی امیدواروں کے بنیادی حقوق سلب کیے جا رہے ہیں۔
انہوں نے کہا کہ عدلیہ سے درخواست ہے اس صورتِ حال پر نوٹس لیں، اعتراضات اتنے مضحکہ خیز ہیں کہ جج صاحب بھی اس پر ہنس رہے تھے۔نیاز اللّٰہ نیازی نے کہاکہ میرے اوپر کوئی ایف آئی آر نہیں، نہ ہی اداروں کے خلاف بولنے کا کوئی الزام ہے۔
انہوںنے کہاکہ ہم آئین و قانون کی بالادستی پر یقین رکھتے ہیں، اس پر کوئی سمجھوتا نہیں کریں گے۔
