لاہور (عکس آن لائن)ایران پاک فیڈریشن آ ف کلچر اینڈ ٹریڈ کے صدر خواجہ حبیب الرحمان نے افغان امن معاہدے کو تاریخ ساز قرار دیتے ہوئے کہا ہے کہ افغانستان میں امن سے سنٹرل ایشیاء کا دروازہ کھل جائے گااور جنوبی ایشیا میں ترقی کے نئے راستے کھلیں گے جبکہ اس کا سب سے بڑا فائدہ پاکستان کو ہوگا،پاکستان کی تجارت اور معیشت پر بھی مثبت اثرات مرتب ہوں گے،خطے میں ترقی کے دشمنوں کو ایک بارپھر شکست سے دوچار ہو نا پڑا،18 سال کی طویل جنگ بندی کیلئے موجودہ پا کستا نی حکومت کا کرداد ناقابل فراموش ہے جس کی جتنی بھی تعریف کی جائے کم ہے۔
ان خیالا ت کا اظہار انہوں نے اپنے آ فس میں مختلف شعبہ ہائے زندگی سے تعلق رکھنے والے افراد سے ملاقات کے دوران گفتگو کرتے ہوئے کیا۔انہوں نے کہاکہ افغانستان کی تعمیر و ترقی کیلئے ا ب افغان حکومت کو آگے بڑھنا ہوگا، افغانستان کے عوام امن اور خوشحالی کے ساتھ رہنے کا حق رکھتے ہیں، افغانستان کے تمام طبقوں کی آواز سننے کے نتیجے میں ہی پائیدار استحکام ممکن ہے۔
خواجہ حبیب الرحمان نے کہا کہ پاکستان پر امن، مستحکم، متحد اور خوشحال افغانستان کی حمایت جاری رکھے گا۔انہوں نے مزید کہا کہ دو حہ کی تقریب نے پاکستانی موقف کی توثیق کردی کہ افغان مسئلہ کا کوئی فوجی حل نہیں۔
