اداروں کی نیوٹریلٹی مشکوک ‘اب بھی ایسے لوگ موجود ہیں جو موجودہ سازش میں ملوث ہیں‘فضل الرحمن

اسلام آباد (نمائندہ عکس)حکومت مخالفت اپوزیشن اتحاد پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمان کا کہنا ہے کہ اداروں کی نیوٹریلٹی مشکوک ہے، اب بھی اداروں کے اندر ایسے لوگ موجود ہیں جو موجودہ سازش میں ملوث ہیں۔

ایک نجی ٹی وی چینل کو انٹرویو دیتے ہوئے فضل الرحمان کا کہنا تھا کہ مجبور نہ کیا جائے کہ وہ سازش میں ملوث ہونے والوں کا نام لیں، پھر کہا جائے کہ آپ نے اداروں کا نام کیوں لیا؟۔ سربراہ پی ڈی ایم کا کہنا تھا کہ نیشنل سکیورٹی کمیٹی اجلاس کا بار بار حوالہ دیا جا رہا ہے، اداروں کو آگے آکر وضاحت کرنی چاہیے۔مولانا فضل الرحمان کا کہنا تھا کہ نواز شریف اور یوسف رضا گیلانی کو نکالا جا سکتا ہے تو عمران خان کو کیوں نہیں نکالا جاسکتا۔