آزاد کشمیر کا صدر اور وزیراعظم پی ٹی آئی سے ہی ہوگا، گورنر پنجاب

لاہور(عکس آن لائن) گورنر پنجاب چودھری سرور نے کہا ہے کہ آزاد کشمیر میں مخالفین کی گلگت بلتستان انتخابات جیسی شکست مقدر ہوگی، انشا اللہ آزاد کشمیر کا صدر اور وزیر اعظم پاکستان تحر یک انصاف سے ہی ہوگا۔ گورنر پنجاب چودھری سرور سے تحریک انصاف کے شوکت بسرا نے ملاقات کی۔

اس موقع پر چودھری سرور کا کہنا تھا کہ وزیراعظم عمران خان ہی کشمیریوں کیساتھ ساتھ فلسطینیوں کے بھی سفیر ہیں، اپوزیشن جتنی مر ضی رکاوٹیں ڈال لیں اورسیز پاکستانیوں کو ووٹ کا حق دینگے، عوام ملک کو عدم استحکام کا شکار کرنیوالوں کیساتھ نہیں، حکومتی بیانہ کیساتھ کھڑے ہیں۔ چودھری سرور نے کہا کہ روشن ڈیجیٹل اکاونٹ میں 1.5 ارب ڈالرز کی سرمایہ کاری حکومتی پالیسوں پر اعتماد ہے، پاکستان معاشی سمیت ہر شعبے میں کامیابی سے دنیا میں آگے بڑھ رہا ہے۔