شیخوپورہ(عکس آن لائن)خوف کی علامت قصائی گروپ کااشتہاری لطیف عرف طیفا گرفتارمریدکے سٹی پولیس کا آبادی حدوکی میں چھاپہ ایک ہی گھر کے پانچ افراد سمیت نو قتلوں کا عرصہ سات سال سے اشتہاری ملزم لطیف عرف طیفا گرفتار ملزم کی دو لاکھ روپے ہیڈ منی بھی مقرر تھی ڈی پی او غازی صلاح الدین نے اے ایس پی توحید الرحمٰن اور اے ایس پی عائشہ بٹ کے ہمراہ پریس کانفرنس میں بتایا ملزم لطیف عرف طیفا نے سات سال قبل آبادی حدوکی میں ایک گھر کے پانچ اور ایک گھر کے چار افراد کو اجتماعی طور پر قتل کیا تھا اور فرار ہوگیا تھا ملزم اشتہاری ہوچکا تھا اور اس کے سر کی دو لاکھ روپے انعام بھی مقرر تھا جبکہ ملزم کے متعلق معلوم ہوا تھا کہ ملک سے راہ فرار کی کوشش کررہا ہے جس کی گرفتاری کے سلسلہ میں اے ایس پی مریدکے توحید الرحمٰن اور ایس ایچ او سٹی مریدکے انسپکٹر حاجی اکرم کمبوہ پر مشتمل ٹیم مقرر کی جس نے خفیہ اطلاع پر آبادی حدوکی میں چھاپہ مارکر ملزم کو اسلحہ سمیت گرفتار کرلیا ان پولیس افسران کی ترقی کیلئے اعلیٰ افسران کو سفارش کی گئی ہے-
