دوحا (عکس آن لائن) اسلامی تحریک مزاحمت حماس کے سیاسی شعبے کے سربراہ اسماعیل ھنیہ کہا ہے فلسطینی قوم کے شہدا کا خون رائیگاں نہیں ہونے دیا جائے گا۔مرکز اطلاعات فلسطین کے مطابق اسماعیل ھنیہ نے دو روز قبل اسرائیلی جیل میں شہید ہونے والے کمال ابو وعر کے اہل خانہ سے ٹیلیفون پر تعزیت کی۔اسماعیل ھنیہ نے کہا کہ کمال ابو وعر کی شہادت کی تمام تر ذمہ داری صہیونی ریاست پرعاید ہوتی ہے جس کی غیرذمہ دارانہ اور مجرمانہ ہٹ دھرمی کے نتیجے میں اسیران کی زندگی خطرے میں پڑ چکی ہے۔حماس رہ نما نے اسرائیلی جیل میں شہید ہونے والے فلسطینی 46 سالہ کمال ابووعر کے والد سے ٹیلیفون پر بات کی۔ان کا کہنا تھا کہ فلسطینی اسیران کی رہائی حماس کی پہلی ترجیح میں شامل ہے۔انہوں نے کہا کہ اسرائیلی ریاست کے مظالم کا مقابلہ کرتے ہوئے میدان میں جام شہادت نوش کرنے والے اور اسرائیلی زندانوں میں قید وبند کی صعوبتیں برداشت کرنے والے ہمارے ہیرو ہیں اور ان کی قربانیوں کو رائے گاں نہیں جانے دیا جائے گا۔
مزید پڑھیں
Load/Hide Comments
Recent Posts
- چاہتی ہوں 9 مئی کے واقعے کو ختم کردیا جائے، زرتاج گل
- سپریم کورٹ،سنی اتحاد کونسل کی مخصوص نشستوں کی درخواست پر فل کورٹ تشکیل
- پی ٹی آئی کو جلسے کی اجازت، اسلام آباد ہائیکورٹ نے توہین عدالت کی درخواست نمٹا دی
- منگل کو فلسطینی ریاست کو تسلیم کر لیں گے، سلووینیا
- شامی صدر بشارالاسد کی ایرانی سپریم لیڈر سے ملاقات