قصور(عکس آن لائن) ترجمان محکمہ زراعت نے چارے کے کاشتکاروں کوہدایت کی ہے کہ وہ جوار کی
فصل کی دوسری کٹائی رواں ماہ کے دوران پھول نکلنے سے پہلے مکمل کرلیں کیونکہ اس وقت فصل کاٹنے پر
مناسب غذائیت اور زیادہ پیداوارحاصل ہوتی ہے نیزجوارکی دوسری کٹائی سے 600سے 800من فی ایکڑ پیداوار
حاصل ہوسکتی ہے تاہم فصل کو دیر سے کاٹنے کی صورت میں غذائیت کم ہونے کیساتھ ساتھ کٹائیوں کی تعدادکم
ہوجاتی ہے۔ کاشتکاروں کے نام پیغام میں انہوں نے کہا کہ کٹائی کے بعد جوار چارہ کی فصل کو ہر ہفتے پانی
دیناچاہئیے تاکہ فصل کو سوکھنے اور کسی بھی قسم کی بیماری سے بچایاجاسکے۔ انہوں نے کہا کہ موسم گرما
میں چارے کی قلت پیداہوجاتی ہے لہذا بروقت سبزچارے کی کاشت اور محکمہ زراعت کے مشاورتی
اقدامات پر عمل کرکے بہترپیداو ار اور اچھی فصل کا حصول ممکن بنایاجاسکتاہے۔
