ٹورنٹو/لندن(عکس آن لائن)برطانیہ کے وزیراعظم بورس جانسن نے کہا ہے کہ جنوری 2020 میں ایران کے دارالحکومت تہران میں ایک میزائل حملے میں مار گرائے جانیوالے یوکرین کے مسافر جہاز کے ذمہ داروں کو اپنے کیے کی سزا بھگتنا ہوگی۔ یوکرین کے ہوائی جہاز کو مار گرانے والے ایرانی کسی صورت میں سزا سے نہیں بچ سکیں گے۔میڈیارپورٹس کے مطابق برطانوی وزیرراعظم بورس جانسن نے ٹویٹر پر پوسٹ متعدد ٹویٹس میں اپنے کینیڈین ہم منصب کے اس بیان کی تائید کی جس میں ان کا کہنا تھا کہ یوکرین کے ہوائی جہاز کے ساتھ پیش آنے والا واقعہ ایک المیہ تھا اور اس کی ذمہ داری ایران کے اعلی حکام پرعاید ہوتی ہے۔ اس حادثے میں یوکرین کے مسافر جہاز PS752 میں سوار 176 افراد ہلاک ہوگئے تھے۔
انہوں نے اس بات پر بھی زور دیا کہ ایران کو اس سانحے کی ذمہ داری اٹھانا ہوگی۔ انہوں نے ہلاک ہونے والے تمام افراد کو انصاف فراہم کرنے اور اس حوالے سے دوسرے ممالک کے ساتھ مل کرکام کرنے کی ضرورت پر زور دیا۔ادھر طرف کینیڈا کے وزیراعظم جسٹن ٹروڈو نے کہا کہ یوکرین کے مسافر جہاز کو مار گرانے کا حکم ایران کے اعلی حکام کی طرف سے دیا گیا۔ ایران چھوٹے اہلکاروں پر اس کا الزام عاید کرکیاصل قصور واروں کو نہیں بچا سکتا۔جسٹن ٹروڈو نے یہ بیان اس وقت دیا جب کینیڈا نے اس حادثے کی تحقیقاتی رپورٹ جاری کی ہے۔
