کرائسٹ کرچ (عکس آن لائن)آل رائونڈر فہیم اشرف نے کہاہے کہ ہم نے آخری میچ سے بہت سیکھا، اب غلطیاں نہیں دہرائیں گے۔ میڈیا سے گفتگو کرتے ہوئے فہیم اشرف نے کہاکہ یہ ایک نیا میچ اور نیا دن ہے،کرائسٹ چرچ کی کنڈیشنز ترنگا سے مختلف ہیں۔ انہوںنے کہاکہ سیریز کا آخری میچ ہمارے لیے بہت معنی رکھتا ہے، تمام کھلاڑی سیریز کا فاتحانہ اختتام کرنا چاہتے ہیں۔ انہوںنے کہاکہ ہم نے آخری میچ سے بہت سیکھا، اب غلطیاں نہیں دہرائیں گے، ٹریننگ سیشن میں کنڈیشنز کے مطابق باؤلنگ کرنے کی تیاری کی۔
