قصور (عکس آن لائن) ڈپٹی ڈائریکٹرمحکمہ زراعت(توسیع)قصورمحمدنویدامجدنے کہا کہ حکومت پنجاب نے گندم کی بھرپورکاشت کےلئے محکمہ زراعت کے فیلڈ اہلکاروں کو کسانوں کی مکمل رہنمائی کی ہدایت کی ہے اور کہاہے کہ تمام زراعت افسران اور فیلڈ اسسٹنٹس گزشتہ سال کی طرح گندم کی کاشت کے رہنما اصولوں سے کاشتکاروں‘کسانوں‘ زمینداروں کو روشناس کروانے کےلئے اپنے تمام وسائل بروئے کار لائیں اور چونکہ موجودہ ایام گندم کی بوائی میں انتہائی اہمیت کے حامل ہیں لہذا اس سلسلہ میں کسی قسم کی غفلت یا کوتاہی کا مظاہرہ نہ کیاجائے۔ انہوں نے دوران ملاقات بتایا کہ ایگریکلچر افسران کو ہدایت کی ہے کہ وہ بیماری سے پاک صحتمند اورتصدیق شدہ بیج زہرلگاکر بذریعہ ڈرل اس کی کاشت پر زوردیں اسکے علاوہ سفارش کردہ اقسام‘ان کی مقررہ وقت پر کاشت اور شرح بیج کی جانب بھی کاشتکاروں کی خصوصی توجہ مرکوزکروائیں۔
