اسلام آباد( عکس آن لائن)محکمہ ایکسائز اینڈ ٹیکسیشن اسلام آباد نے گاڑیوں کی خرید و فروخت میں بائیو میٹرک کرانے کے بعد ٹرانسفر نہ کرانے پر جرمانے میں اضافہ کردیا۔
بائیومیٹرک کرانے کے بعد ٹرانسفر نہ کرانے پر جرمانے میں 5 گنا اضافہ کیا گیا ہے ۔محکمہ ایکسائز اینڈ ٹیکسیشن اسلام آباد کے مطابق گاڑیوں کی بائیو میٹرک کے بعد ٹرانسفر نہ کرانے میں 3 ماہ سے زیادہ تاخیر کرنے والوں کو 10 ہزار روپے فی ماہ جرمانہ ادا کرنا ہوگا، اس سے قبل گاڑیوں کے ٹرانسفر پر ایک ماہ کا جرمانہ صرف 2 ہزار روپے تھا۔ایک سال تک گاڑی ٹرانسفر نہ کرانے والوں کو ایک لاکھ 20 ہزار روپے جرمانہ ادا کرنا ہوگا، جرمانے میں اضافے کا اطلاق فوری طور پر ہوگا۔
