اسلام آباد(عکس ان لائن)پاکستانی کرکٹ ٹیم کے لیگ اسپنر اسامہ میر نے کہا ہے کہ بہت کوشش کی لیکن میچز میں کامیابی نہ مل سکی، سمجھ نہیں آیا پرفارمنس کیوں نہیں ہوئی،اسامہ میر نےنجی ٹی وی سے گفتگو کرتے ہوئے کہا کہ کولکتہ میں فیملی کے لیے شاپنگ کی، فیملی کے لیے شاپنگ کرنا اچھا لگتا ہے،
انہوں نے کہا کہ فرنٹ لائن اسپنر کی حیثیت سے کھیلا لیکن وکٹیں نہیں لے سکا، تسلیم کرتا ہوں جو امید تھی اس طرح بولنگ نہیں کرسکا، کوشش بہت کی لیکن کامیابی نہیں ملی، پریکٹس میں دوبارہ محنت کررہا ہوں،قومی اسپنر کا کہنا تھا کہ کنڈیشن تو مختلف نہیں تھیں لیکن سمجھ نہیں آیا کہ پرفارمنس کیوں نہیں ہوئی، کوشش یہ ہی ہے جب دوبارہ موقع ملے گا تو اچھی پرفارمنس دکھاں، جیت کے ساتھ ڈرسنگ روم کا ماحول پازیٹو ہوجاتا ہے،
شکست پرسب کو مایوسی ہوتی ہے،انہوں نے کہا کہ شکست کے بعد جتنا مرضی پازیٹو باتیں کرلیں لیکن اندر سے مایوسی ہوتی ہے، یہی کہوں گا کہ جگہ پر بولنگ کروں تو کامیابی ملے گی۔
