کینبر (عکس آن لائن ) قومی کرکٹر خرم شہزاد نے کہا ہے کہ وہ کسی بھی بلے باز کو مشکل نہیں سمجھتے۔ کینبرا میں گفتگو کرتے ہوئے خرم شہزاد کا کہنا تھا کہ آسٹریلیا کی پرائم منسٹر الیون کے خلاف 4 روزہ فرسٹ کلاس میچ سے بہت کچھ سیکھنے کو ملا، کنڈیشنزسے خود کو ہم آہنگ کیا ہے۔ انہوں نے کہا کہ ہمیں اس میچ سے آسٹریلیا کے خلاف ٹیسٹ سیریز کیلئے بہت مدد ملے گی، وارم اپ میچ میں زیادہ مشکل نہیں ہوئی۔
قومی کرکٹر کا مزید کہنا تھا کہ کوشش کرتا ہوں اپنی بنیادی چیزوں پر عمل کر کے بالنگ کروں، کسی بھی بیٹر کو مشکل نہیں سمجھتا، اگر ٹیسٹ میں موقع ملا تو بہترین پرفارمنس دیکر ٹیسٹ جتوانے میں اہم کردار ادا کروں گا۔
