قصور(عکس آن لائن)کاشتکاروباغبان بیرکی فصل کو بیماریوں سے بچانے کے لئے محکمہ کے عملہ کی مشاورت سے پھپھوندی کش زہروں کا استعمال کریں تاکہ بیرکی فصل کو ہر قسم کے نقصان سے بچایاجاسکے۔
ڈپٹی ڈائریکٹرمحکمہ زراعت(توسیع)قصورمحمدنویدامجدنےبتایاکہ جہاں بیرکے پودوں کو مختلف بیماریوں سے بچانے کے لئے زہروں کا استعمال ضروری ہے وہاں باغات میں گوبرکی گلی سڑی کھاد کا استعمال بھی انتہائی موثر ثابت ہوسکتاہے۔انہوں نے کہا کہ گوبرکی گلی سڑی کھاد 20کلوگرام چھوٹے پودے اور 40 کلوگرام بڑے پودے کی شکل میں ڈالی جائے تو پودے ان کی سڑن سے بیماریوں سے محفوظ رہ سکتے ہیں۔ انہوں نے بتایا کہ پتوں پر کیڑے کے حملے سے کالے رنگ کے نشان نمودار ہونا شروع ہوجاتے ہیں جس سے پھل کی شکل بھی خراب ہوجاتی ہے۔ انہوں نے بتایا کہ اگر کسی باغ میں کوئی غیرمعمولی علامت ظاہر ہو تو فوری طورپر محکمہ زراعت کے فیلڈ سٹاف سے رابطہ کیاجائے۔
